BUTUAN CITY – Tumang kalipay ang gibati ni Engr. Deamark Jhone Palaran nga taga-Brgy. Bilay ning siyudad sa Butuan nga ikatulo siya sa Top 10 sa 2022 Geodetic Engineer Licensure Examination results.
Kini tungod kay gawas nga wala niya kini damha ilabina nga tuig 2020 pa siya mi-graduate, birthday pa niya karong Oktubre 20 rason nga dakong regalo kini sa Kahitas-an alang kaniya.
Sa eksklusibong pakighinabi sa Bombo Radyo Butuan, gipadayag ni Palaran nga wala siya maka-take sa exam pagka-graduate niya sa maong tuig human kini gisibog tungod sa COVID-19 pandemic.
Wala usab siya naka-take niini sa mi-aging tuig 2021 human siya nawad-an og gana tungod sa kawala’y pinansyal nga suportang iyang ikagasto hangtud nga nagdesisyon siyang karong tuiga niya kini himuon.
Iyang gisaysay nga ang kalampusang nakab-ot sa mga graduates sa Caraga State University, bunga sa ka-dedicated sa ilang mga professors sa pagtulo kanila.
Kaniadto, halos musurender na matud pa siya sa ka-harsh mutudlo sa ilang mga propesor ug karon lang niya nabati nga alang gayod diay kadto sa lang kaayuhan rason nga iya kining gipasalamatan og dako.
Samtang dili usab makatuo ang laing bag-ong geodetic engineer sa Caraga State University kon CSU nga apil siya sa nakasulod sa Top 10.
Sa eksklusibong pakighinabi sa Bombo Radyo Butuan, gipadayag ni Engr. John Carl Escasio, ang ikapito sa Top 10 sa maong eksaminasyon, wala sa iyang huna-huna nga makasulod sa Top 10 tungod kay bugtong niyang gi-ampo nga makapasar lang sa maong eksaminasyon uban sa iyang mga ka-ubanan.
Kini ilabina nga kulang sila og oras sa preparasyon kondiin duha ka buwan lang silang nag-review human migradwar niadtong Hulyo 22 ning tuiga gawas pa sa kamatu-uran nga daghan matud pa og mga utukan sa tibuok Pilipinas.
Aminado ang bag-ong geodetic engineer nga intensive review ang gihimo sa ilang tunghaan tungod kay makakat-on gayod ang estudyante ilabina nga ang tanan nilang gi-review gitun-an na nila gawas sa ubang global standards nga wala na nila matuki tungod sa kakulang sa ilang oras.
Hinuon sa iyang assessment, 90-porsiento sa ilang gi-exam, na-cover sa ilang review ug ila usab nga natun-an.
Gawas niini, supportive usab ang ilang eskwelahan sa ilang review tungod sa mga online materials nga gi-cater ngadto kanila ug online sessions.
