BUTUAN CITY – Ang wala pagdawat sa mga fans sa Arema FC sa ilang kapildihan sa mismo nilang homecourt kansa mao ang pinaka-una sulod sa 23 ka mga tuig, ang hinungdan nga gidagsa sa mga fans ang pitch sa football field.
Kini ang gipadayag ni Bombo international correspondent Magello Rainer Fenis gikan sa West Java, Indonesia, sa eksklusibong interview sa Bombo Radyo Butuan.
Sigon ni Fenis, dali nga gi-aksyunan sa security forces ang nangdasok nga mga fans pinaagi sa paglabay og tear gas hinungdan sa stampede nga miresulta nga daghang tawo ang namatay.
Sa pagkakaron, gisuspende na ni Indonesian Pesident Joko Widodo sulod sa usa ka tuig ang musunod pang mga local football matches samtang gipa-imbestigahan niini sa Football Association of Indonesia ug sa National Police Chief ang hitabo nga miresulta sa pagkamatay kapin usa ka gatus ka mga tawo.
Tumong niini nga mapanubag ang mga naglabay og tear gas sa mga fans kansa hugot nga gidili sa highest governing fooball body nga FIFA.
