BUTUAN CITY – Kataw-anan man paminawon apan maghatag og kahupay sa mga tawo nga nakasinati og emotional distress human nga biktima sa ‘ghosting’ kon kalit lang gibiyaan o kaha gi-abandona sa ilang karelasyon ilabina kadtong kalit lang nangawala nga daw bula, ang giduso nga sugyot balaudnon ni 3rd District Negros Oriental Rep. Arnulfo Teves Jr. kinsa napiling bag-ong House Minority leader.
Kini higayong ma-aprubahan na ang House Bill 611 kon mas nailang usa ka akta nga nagdeklara sa ghosting isip emotional offense.
Sigon ni Teves, ang pag-AWOL sa serbisyo sa mga sakop sa armadong kusog ug sa nasudnong kapulisan, wala’y kala-inan sa kalit ang pagkawala sa imong karelasyon nga bisan asa naka nangita dili na nimo makit-an ug dili usab nimo ma-contact.
Giklaro ni Teves nga wala’y labot niini kadtong mga anaa pa lang sa courting stage kon nanguyab pa kondili kadto lang lawom na ang ilang relasyon apan kalit nga nawala o kaha nagtago o kaha gi-abandona ang karelasyon.
Gipasabot ni Teves nga kung mang-ghosting ang imong karelasyon, dili ikalimdo nga apektado ang kondisyon sa imong emusyon, panghuna-huna ug panglawas rason nga ang uban nga dili makakaya, magtubok na lang rason nga angayan lang kining mapapasar sa Kongreso.
