BUTUAN CITY – Wala mahimuot ang kadaghanang mga Singaporeans sa pagdawat sa ilang kagamhanan kang resigned Sri Lankan President Gotabaya Rajapaksa nga makasulod sa maong nasud taliwa nga giprotestahan kini sa iyang mga constituents dihang una kining mi-adto sa Maldives human mikagiw sa ilang nasud.
Sa eksklusibong pakighinabi sa Bombo Radyo Butuan kang Bombo international correspondent Rico Ruiz Frias direkta gikan sa Singapore, gipadayag niining duna’y uban nga wala’y paki-alam sa maong panghitabo apan mas daghan ang naglagot kung nganong gitugutan ang ingon niini nga presidenteng musulod sa ilang nasud samtang ang iyang katawhan nag-ila-id sa kalisod.
Gila-uman sa mga Singaporeans nga magpagawas og pamahayag ang kagamhanan sa maong nasud kalabot sa ilang pagdawat kang Rajapaksa.
