BUTUAN CITY – Nagpahigayon og ocular inspection sa lugar sa Nasipit Agusan del Norte Industrial Estate kon NANIE sa lungsod sa Nasipit ang posibleng developer niini nga mao ang MTD Philippines kauban ang Philippine Economic Zone Authority kon PEZA kagahapong adlawa.
Uban usab sa maong kalihukan ang mga opisyal sa probinsya sa Agusan del Norte sa pagpanguna ni Gob. Dale B. Corvera ug sa lungsod sa Nasipit.
Human sa ocular inspection si Provincial Governor Dale B. Corvera ang nanguna sa Joint Dialogue Meeting sa NANIE implementation kauban ang developer nga Malaysian Thai Development kon MTD Philippines sa pagpanguna ni Engr. Patrick Nicholas David, President sa MTD Philippines og Atty. Eric Emmanuel C. Pasion, sa suporta sa Director General Charito B. Plaza sa PEZA.
Gihimo ang dayalogo sa usa ka Beach Resort sa lungsod sa Nasipit, Agusan del Norte.
Nasayrang daghan ang naglaum nga matuman na ang NANIE sa maong lungsod nga seguradong maghatag og daghang trabaho.
