BUTUAN CITY – Subay sa padayong pagpanguna sa nagpayong ballot canvassing, sayong nagpasalamat ni kanhi Senador Bongbong Marcos ug presidential candidate Ferdinand ‘Bongbong’ Marcos Jr. ngadto sa iyang mga supporters.
Sa iyang pagpamulong sa BBM headquarters sa Mandaluyong City, gibutyag niining bisan og wala pa matapos ang hagpatay sa mga balota, dili na makahulat pa ang iyang kasibot nga makapasalamat sa tanang mitabang ug misuporta sa iyang kandidatura kinsa mituo sa iyang kagustuhang magkahi-usa na.
Padayon usab ang iyang pag-awhag sa katawhan nga padayong magbantay tungod kay wala pa matapos ang hagpatay sa mga balota.
Nanawagan usab si presidential candidate Vice President Leni Robredo ngadto sa iyang mga supporters nga respetuhon ang resulta sa eleksyon human nga milayo og samot ang biya ni Bongbong Marcos kumpara sa iyang mga boto.
Sa iyang pamahayag kaganinang kaadlawon didto sa iyang panimalay sa Naga City, gibutyag niyang nasayod siya kung unsa kapinangga sa katawhan ang Pilipinas ug dili siya musugot nga siya ang mahimong hinungdan nga magkabahin-bahin ang mga tawo tungod lang sa resulta sa botohay.
Gipasalamatan usab niya ang katawhang misuporta kaniya tungod kay dili matud pa masuklian ang ilang gihimong pagsakripisyo dungan sa pagsigurong magpadayon ang iyang gisinggit karon nga eleksyon, nga paglambo sa kinabuhi alang sa tanan.
