-- ADVERTISEMENT --
BUTUAN CITY – Wala’y gila-umang damyos ug aftershocks ang mitay-og nga magnitude 4.6 nga linog sa sidlakang bahin sa lungsod sa Marihatag, Surigao del Sur pasado alas-3:34 karong hapon.
Tectonic ang gigikanan niini nga duna’y giladmong 42-kilometros apan nabati pa gihapon sa kasikbit nga mga dapit.
Natala ang intensity 2 sa lunsod sa Nabunturan, Davao de Oro samtang intensity 1 usab sa Tandag City sa Surigao del Sur, apil na sa Cabadbaran City ug lahos na ning siyudad sa Butuan, pulos sakop sa Agusan del Norte.
