BUTUAN CITY – Gibana-banang muabot sa 5.7 milyones pesos ang damyos human gidabdaban sa rebelding New People’s Army kon NPA ang dumptruck og payloader sa Barangay San Pedro, Alegria, Surigao del Norte.
Sigon ni PCapt Eulalio Desuyo, Officer-in-charge sa Alegria Municipal Police Station naaktuhan pa nila nga nagdilaab ang duha ka mga ekwipo.
Sa gihimong pakisusi, samtang naghimo sa quarry ang mga niini, daling mibutho ang gibana-banang 9 ka armadong grupo nga ilang nakita diin sila gipapakuha ang ilang personal nga gamit nga anaa sa duha ka ekwepo ug gipanaog adiser pa gibubu-an og gasolina unya giduslitan gamit ang posporo.
Samtang sa dihang miresponde ang kasundaluhan gikan sa 29th IB og 30th IB kauban ang kapulisan, gi-ambush sila sa walhong grupo rason sa natigayong engkuwentro.
Human sa binayloay og bala, nakit-an sa dapit ang usa ka patay’ng lawas nga base sa nakuhang ID niini, naila ang biktima nga si Ernesto Andojar, 44-anyos, olitawo nga taga Purok-16, Barangay Baan Riverside ning siyudad sa Butuan.
Apan giklaro ni PCapt. Desuyo nga walay armas nga ilang nakita sa dapit nga nahitabuan ug hangtud sa pagkutlo niini nga balita, wala pay mi-claim nga tagtungod o pamilya sa nasangpit nga patay’ng lawas.
Gitin-aw usab sa opisyal nga base sa ilang logbook og uban pang impormasyon, walay tawo nga nagpaabot og reklamo o complain mahitungod sa pagtenir og armas ni SB Reuel Jalasan base sa gipadayag sa walhong grupo.
