BUTUAN CITY – Gilubong na karung hapon ang patay’ng lawas nga napalgan sa subay sa may Barangay Lingayao sakop sa Las Nieves, Agusan Del Norte.
Sigon ni Plt. Aurel Lumasag, Officer-in-charge kon OIC chief of police sa Las Nieves MUnicipal Police Police, nga niadtong biernes sa alauna sa hapon sa dihang nakit-an sa usa ka maguuma ang maong patay’ng lawas sa suba dool sa dam.
Ang maong biktima, wala kini soot nga senina, anaa sa 30 ngadto sa 40-anyos ang pangedaron, 5’5 ang katas-on og nakapantalon sa dihang nakit-an samtang dunay sako diha sa iyang likod rasong dako ang ilang pagtoo nga kini usa ka maguuma. Sumala pa sa opisyal nga gibana-banang 2 ngadto sa 3 ka adlaw na kining napatay sa dihang nakit-an rasong anaa na sa state of decomposition.
Gibalsamar kini og gibutang sa barangay gym sa barangay Lingayao samtang gipaabot ang posibleng kabanay sa biktima apan hangtud sa pagkutlo ning balita, wala pay naka claim sa maong patay’ng lawas.
Kini bisan paman sa pakig-alayon ang buhatan sa kapulisan ngadto na sa kasikbit nga mga police station ug barangay local officials. Apan giklaro ni Plt. Lumasag nga walay nakitang samad sa lawas niini rasong dako ang ilang pagtoo nga kini aksidenteng na-anod sa dakong suba.
Nanawagan nalang kini sa mga suking tigpaminaw sa Bombo Radyo Butuan nga kung dunay nailhan nilang missing nga tawo, pwede lang motawag sa ilang hotline o kaha modalikyat sa barangay Lingayao.
