BUTUAN CITY-Gisugdan na ang pagbakuna sa mga kabataang nag-edad og 5 hantod 11 anyos batok COVID-19 ning syudad. Gipadayag ni Dr. Glen H. Tiangha sa Department of Health Center for Health Development Caraga kon DOH-CHD Caraga sa eksklusibong pakighinabi sa Bombo Radyo Butuan nga sa mga umalabot usab nga adlaw padayon gihapon ang bakunahan sa nasangpit nga age group ning rehiyon.
Sumala pa kang Dr. Tiangha nga gisuta pa nila ang kinatibuk-ang ihap sa mga kabataan ning syudad aron mabana-bana ang gitarget nga populasyon sa bakunahan.
Gipaniguro usab sa kaulohan, DOH ug mga eksperto nga luwas ug walay seryosong epekto ang bakunang itupok sa mga kabataan ug dili angayang mabalaka.
Samtang gitutokan usab nila ang istratehiya nga madapit ang mga ginikanan ug kabataan nga magpabakuna batok COVID-19 pinaagi na sa free registration ug pagsuroy sa mga kabarangayan ug pagkuha sa ihap sa mga gustong magpabakunang kabataan, u gang pagduol sa mga nagkadaiyang adbokasiya sa apg-engganyo sa mga niini
