BUTUAN CITY-Pormal ng napasakahan og kaso ang 7 ka mga kapulisan nga nalambigit sa pagpanulis sa Agusan del Sur.
Gibutyag ni Police Regional Officer (PRO) 13 Regional Director PBGEN ROMEO M CARAMAT, JR nga ang duha sa mga niini ang gipasakahan og kasong pagpangawat nga gi-file sa Prosecutor’s Office ug administratibong reklamo batok sa 5 ka mga pulis gikan sa Agusan del Sur Provincial Intelligence Unit (ADS PIU) ug laing duha pa ka pulis gikan sa Agusan del Sur Provincial Mobile Force Company (ADSPMFC).
Sumala kang Pol. Maj.Dorothy Tumulak ang tigpamaba sa PRO13 sa eksklusibong pakighinabi sa Bombo Radyo Butuan nga moagi pa sa taas nga proseso ang atubangon sa mga kapulisan nalambigit.
Gidugang pa sa opisyal nga nadawat na ang reklamo sa Provincial Prosecutor’s Office in Patin-ay, Agusan del Sur niadtong Enero 19,2022 alas 5:46 sa hapon batok sa mga pulis PLTCOL JARED CHARLES JOAQUIN, Chief of ADS PIU; PSMS Ronald Laro, 40 anyos; PSSg Dariel John Mozo, 35 anyos; PSSg Richard Ayala, 40 anyos; ug Pat Ivan Klein B Osorio, 25 anyos; PSSg Lolito T Valdez Jr, 40 anyos, 2nd ADSPMFC; ug Pat Sebastian L Batausa, 31 anyos, 2nd ADSPMFC.
Madumdumang nalambigit sa pagpanulis ang mga nailang pulis niadtong Enero 14 sa pagpangawat sa negosyanteng si Jasper Salude Pabilic, 35 anyos, residente sa Purok 6B, Poblacion Banay-banay, Davao Oriental sa kantidad nga mokabat og P 2.7 Million nga pagkuha sa biktima.
