BUTUAN CITY- Gitaho sa City Health Office of Butuan nga muabot na sa kapin 17,000 ang nahatagan og bakuna batok COVID-19 pinaagi sa Mobile Vaccination.
Sa taho muabot sa 17,224 ang kinatibuk-ang ihap sa mga nabakunahan pinaagi sa gipahigayon nga Mobile Vaccination sa mga barangay.
Gilangkuban ang mga niiin sa 16,493 ka mga katawhan nga nahatagan sa first dose ug adunay 731 nga second dose.
Alayon niini gi-awhag ni Konsehal Cherry Mae Busa Chairperson sa Committee on Health sa Sangguniang Panglungsod ang ang mga eligible individuals nga wala pa nagbakuna nga musalmot sa tulo ka adlaw nga National Vaccination Day gikan Nobyembre 29 hangtud Disyembre 1.
Gihatagan duot sa konsehal ang ka -imporntante sa pagbaton og bakuna nga dili lamang kini magprotektar sa kaugalingon kundi ingon man mga nakapalibot kanato.
