BUTUAN CITY- Nagtuo si Agusan del Sur 2nd District Representative Adolph Edward “Eddiebong” Plaza nga ang saktong paghatag og impormasyon bahin sa mga bakuna ang yawi aron madasig ang mga tao nga magpabakuna.
Gihimo ni Cong. Plaza ang pamahayag tunga-tunga pa gihapon sa ubay-ubay nga mga tawo ilabina dinhi sa rehiyon ang nagdumili pa nga magpabakuna tungod sa lahi-lahing rason.
Sumala ni Eddiebong Plaza sa pakighinabi ning sibyahan, ang saktong information dissemination kabahin sa mga bakuna ang mas kinahanglanon karon nga mapasabot ngadto sa mga tao labi na dili mapugos ang ubang nga magpatupok sa mga available karon nga bakuna. Sigon niini importante usab nga adunay igong suplay sa bakuna ang usa ka lugar aron matubag ang ihap sa mga gustong indibidwal nga gustong magpatupok og bakuna.
Alayon niini gidayeg sa representante ang inisyatiba nga mobile vaccination nga muadto sa mga kabarangayanan labi na sa mga hilit nga area aron mupahigayon og pagpamakuna labi na sa Agusan del Sur.
Samtang gibutyag ni Eddiebong Plaza nga dako-dako ang mabubong budget alang sa mga programa ug proyekto sa imprastraktura sa ikaduhang distrito sa Agusan del Sur nga kabahin sa 2022 national budget.
Sumala sa representane mukabat sa kapin sa 3 bilyones pesos ang nakagahin sa distrito kansa kasamtangan matod pang gipinalisar sa senado.
Prayoridad matod pa sa maong pondo ang pagpalapad sa national highway sa probinsya ug daghan uban pa.
