BUTUAN CITY-Gipakisayran pa sa Bureau of Fire Protection kon BFP-Butuan ang hinungdan sa sunog nga milamoy sa usa ka ka panimalay P-16, Upper Doongan, Brgy Doongan ning syudad sa Butuan kagahapon sa alas 3:00 sa hapon.
Sa impormasyon, usa matod pa ka Juliet Oberez anaa sa 60-anyos ang pangidaron ang nanag-iya sa mong nasunog nga panimalay.
Sa saysay sa mga nakasaksi sa panghitabo, kalit lamang miulbo ang kalayo sa maong panimalay kansa gama sa light materials hinungdan nga dali kining naugdaw.
Sumala sa mga nanimuyo duol sa panimalay usaahy lamang mag-bisitahan ang tag-iya sa maong panimalay ug kung muadto man, igo lamang mag-atiman sa iyang mga pananom.
Padayon pa usab karong gipakisayran sa mga otoridad ang kinatibuk-ang damyos nga gibilin sa maong sunog.
