BUTUAN CITY- Epektibo na sugod unyang alas 12 sa udto ang ipatumang Granular lockdown sa Barangay Poblacion, Taglatawan, Salvacion, Cagbas, Calaitan ug Maygatasan sa Bayugan City Agusan del Sur.
Kini human nga migawas kagahapong adlawa ang resulta sa RT-PCR test sa mga suspected covid-19 cases kansa mga nagpositibo sa virus nga maoy hinungdan sa pagpatuman sa granular lockdown sa mga nasangpit nga barangay alang sa paglikay sa pagkaylap sa pweding ma-infection.
Tungod niini nagpagawas gilayon og Executive Order No 17 series of 2021 si Bayugan City Mayor Kirk Asis kondiin nakalatid niini nga ang bahin sa Purok 1, 7, 12 ug 23 sa Brgy Poblacion, ingun man Purok 8 sa Brgy Taglatawan; bahin sa Purok 19 sa Brgy Salvacion ug entero Purok 1 sa Brgy Cagbas ug Calaitan samtang entero Brgy Maygatasan ang ibutang ilalom sa focused containment ingun man community quarantine ug strict mandatory home quarantine.
Hinungdan nga walay tugutang residente nga mugawas sa ilang panimalay sa mga nasangpit nga areas ug ang tanang mga aktibidad e-uktaba usab gawas lamang sa mga negosyo nga padayong nag-operate isip essential service.
Ingun man otomatiko usab nga gisirado ang tanang establishemento ug workplaces sa nasangpit nga mga areas.
Tungod niini 24/7 nga mag-patrol ang mga kapulisan sa Bayugan City agig pakig koordinar sa mga opisyal sa barangay.
Gipahinumdum usab sa maong EO nga ang tanang tag-iya og negosyo nga dili musunod sa maong order mamahimong arestuhon ug masilotan ubos sa Sec 9 sa RA 11332 sa wala pag kooperar sa gipatumang protocols ingun man Article 151 sa Revised Penal code kon Resistance & Disobedience to a Person in Authority.
