BUTUAN CITY – Gipahugtan karon pagpatuman sa Coast Guard District Northern Mindanao uban sa Coast Guard Station Surigao del Norte pagpanguna ni Station Commander Commodore Elaine Pangilinan ang pagpatuman sa kamanduan ni Governor Francisco “Lalo” Matugas nga temporaryong nag-ban sa mga gikan sa Luzon ug Visayas, pagsulod sa maong lalawigan hangtud karong Agusto 22.
Kini pinaagi sa ilang paglusad og simultaneous coastal security patrol ug seaborne patrol operations sulod sa ilang area of responsibility.
Tumong sa simultaneous patrol operation ang pagpakusog pa sa showcase sa Philippine Coast Guard visibility sulod sa ilang AOR sa ingon mapugngan ang si bisan kinsa mang indibidwal apil ang mga illegal entrants pagsulod sa mga coastal areas nga magsilbing “backdoors” sa ilang pagsulod sa Surigao del Norte province.
Gi-awhag ni Commodore Pangilinan ang publiko ilabina kadtong mga anaa sa coastal barangays nga magbinantayon sa kanunay ug i-report gilayon sa mga otoridad ang si bisan kinsa mang kadudahang indibidwal nga wala’y dalang bisan unsa nga balidong documentary requirements sa ingon malikayan ang pagkaylap sa COVID-19 ilabina ang pagsulod unya sa Delta Variants sa maong lalawigan.
