3 ka Siargao surfers, mu-compete sa world tournament aron mu-qualify sa Tokyo Olympics

BUTUAN CITY – Mibiya na padulong sa El Salvador ang tulo ka mga surfers nga taga-Siargao Island aron musalmot sa International Surfing Association World Surfing Games (WSG).

Gikatakda kining himuon karong Mayo 29 hangtud Hunyo 6 sa usa ka make-or-break gamble aron mu-qualify sila sa umalabot nga Tokyo Olympics.

Apil sa six-man Philippine surfing team ang tulo ka mga Siargao surfers nga sila John Mark Tokong, Edito Alcala ug Nilbie Blancada, kinsa musulay sa ilang swerte sa WSG, sa pangindahay nga ilang madala ang national flag sa pinakadakong entablado sa global sports.