BUTUAN CITY- Luwas nga nakita sa mga Search And Rescue Team ang 36 ka mga sakay sa FBCA NOBERT-2 human nga gikatahong hinay-hinay na kining naanod og misad-sad sa Brgy. Cagutsan, Surigao City tungod sa kusog nga balud.
Kini human nga gilayong girespundihan sa Coast Guard Station Surigao del Norte nga gipangulohan sa Station Commander nga si CDR ELAINE PANGILINAN PCG ang natigayong maritime incident sa nasangpit nga lugar tungod kay nagpadala og impormasyon ang Presidente sa Fish Buyers / Brokers Association Inc., Coast Guard Station Surigao del Norte nga si Engr. Ambrosio Lambus Jr hinugdan nga gilayong gipalihok ug nag-deploy ang Deployable Response Group (DRG) nga gilangkuban sa CGS Surigao del Norte ug Coast Guard Special Operations Unit Northeheast Mindanao (CGSOU-NEM ) sakay sa PB-151 aron mohimo og Search and Rescue (SAR) Operations sa naasangpit nga insidente.
Ingon man ang Coast Guard Mobile Team Day-asan gimandu-an usab nga mohimo og Search and Rescue (SAR) Operations sakay sa AB-254.Tungod sa hiniusang pagtinabangay aron maabot ang naasoy nga lokasyon, gilayong nakita sa SAR Team ang nag-antos nga Fishing Banca nga hinay-hinay na nga midagsa sa mabaw nga tubig sa nasangpit nga lugar.
Human niini, gibalhin gilayon sa SAR team ang 17 ka mga indibidwal ug 19 ka mga myembro sa FBCA NOBERT-2 sa PB-151 gamit ang PCG Rubber Boat.
Sa kasamtangan na-assess na ang naluwas nga mga indibidwal sa Coast Guard Medical Service Northeheast Mindanao (CGMED-NEM) kung ugaling dunay nakahiagom og injuries atol sa maong hitabo.
Sa karun anaa sa maayong kondisyon ang mga niini kansa pormal na usab nga gi-turn over sa informant kansa mao ang buyer sa FBCA NOBERT-2 fish products.
Samtang, ang Master of the vessel giimbitahan sa Coast Guard Station Surigao del Norte alang sa inisyal nga mga pangutana kung unsa hinugdan sa maong hitabo. Dugang pa, gitambagan usab ang Master nga magsang-at og Marine Protest bahin sa maong insidente.
