BUTUAN CITY – Nagparehistro na isip residente ug botante sa dakbayan sa Butuan si kanhi Buenavista, Agusan del Norte Mayor Norbert Pagaspas.
Sa pakighinabi sa Bombo Radyo Butuan, gikumpirma ni Atty. Ronel Azarcon usa sa mga legal counsels ni Pagaspas, nga gigamit sa kanhi mayor sa Buenavista ang address nga Paradise, Brgy. Libertad sa pagparehistro niini sa Commission on Elections kon COMELEC-Butuan.
Sumala ni Atty. Azarcon, simple lamang ang nahimong pagparehistro ni Pagaspas kansa wala usab nagpatambong sa mga media personalities.
Lauman usab ang mismong pronouncement ni Pagaspas karong adlawa sa iyang pagparehistro isip botante na sa dakbayan.
Madumdumang pormal nang nagpasa sa iyang resignation letter si Pagaspas kang Agusan del Norte Governor Dale Corvera adtong nakalabay nga semana ug nanumpa na usab isip Mayor sa Buenavista ang asawa niining si kanhi Vice Mayor Amy Pagaspas.
