BUTUAN CITY – Giklaro ni Land Transportation, Traffic and Management Office kon LTTMO- Butuan OIC chief Peter Paul Manatad nga wala nila pug-ngi ang mga orange tricycle drivers nga duna’y rutang San Vicente padulong sa sentrong bahin ning siyudad ug vice versa pag-agi sa national highway partikular sa Montilla Boulevard.
Kini tungod kay ang ilang ruta lang ang gitugutang malu-ag lu-agan sa pagpamasada human gipatuman ang Executive Order No. 005 series of 2021 niadtong Lunes tungod sa kakulang sa mode of transportation.
Apan dili sila muderetso tungod kay ang kadtong gikan sa sentrong bahin ning siyudad, muliko na padulong sa Brgy. Maon lahos na ngadto sa Pangabugan padulong sa baryo San Vicente ug vice versa.
Giklaro usab niini nga ang presensya sa iyang mga sakop sa may COA pasulod sa Brgy. Maon dili aron mang-hold sa mga mibiyaheng traysikol kondili aron mag-orient sa mga drivers sa dalan nga ilang agi-an.
Samtang bisan pa man sa gihatag nga konsiderasyon, duna gihapo’y mireklamong driver tungod kay tugutan silang mudeterso subay sa national highway padulong sa Brgy. San Vicente higayong mu-uli na basta wa lama’y kargang pasahero.
Sigon sa mireklamong driver, lisod na kung musubay pa sila sa dalan padulong sa Brgy. Maon higayon mu-uli na tungod sa grabe matud pa kalubak sa dalan.
Adiser ang pagklaro ni Manatad,ubay-ubay sa maong klase sa traysikol ang natanggong sa may COA pagawas gikan sa Brgy. Maon tungod kay wala naman sila tuguting makapadulong sa Brgy. San Vicente subay sa national highway ug kadtong gikan sa maong barangay apil na sa Villa Kananga padulong sa sentrong bahin ning siyudad.
Base sa asuy sa mga drivers, gitugotan lang sa city government pinaagi sa LTTMO pagbiyahe gikan sa dalan sa Brgy. Golden Ribbon padulong na sa baryo sa San Vicente ug vice versa ug gani sa Brgy. Villa Kananga, bugtong mga yellow tricycle lang ang makabiyahe agi sa Brgy. JP Rizal ug vice versa.
Usa ka driver ang natingala tungod kay gahapon gitugutan na silang makabiyahe subay sa national highway padulong sa sentrong bahin ning siyudad ug vice versa kondiin nakurat na lang matud pa siya dihang sa iyang paggawas, nag-atang na ang mga taga-LTTMO ug nag-giya kanila sa mga angayang agi-an kansa mao na usab matud pa’y nagpa-ataw ataw sa ila karong pagpamasada.
Tungod niini, laing driver ang nanawagan kang Mayor Ronnie Vicente Lagnada nga atubangon sila ug paminawon ang ilang reklamo tungod kay halos wala na sila’y gikaon ilabina ang driver nga susama kaniyang duna’y lima ka mga anak ug bugtong pagpamasada lang ang gisaligan sa pagpakaon sa pamilya.
Samtang lain ang driver ang nanawagan kang LTTMO OIC Chief Peter Paul Manatad nga unta dili sila ataw-atawon ilabina nga siya ang nagbutyag kagahapon atol sa interview ning sibyahan nga luag-luagan nila ang ilang ruta gawas lang sa may tulay dungan sa pagklarong andam matud pa silang musunod sa balaud apan unta paminawon usab ang ilang reklamo.
