BUTUAN CITY – Human ang usa ka tuig nga pagpakahilum, mi-angkon na si Gerald Anderson sa mga pagduda kaniadto nga sila na ni Julia Barretto human ang kontrobersyal nga panagbuwag nila ni Bea Alonzo.
Madumdumang niadtong 2019, mibutho ang pulong nga ‘ghosting’ human niini gibiyaan lamang matud pa sa ere ang karelasyong si Bea nga wala man lang mihatag matud pa og rason kalabot sa wala na niya pagpakita niini ug usa sa gitudlong hinugdan mao ang pag-developay na nila sa batan-ong aktres nga si Barretto.
Sa usa ka one-on-one interview kang Boy Abunda, gi-angkon niini nga gawas sa paningkamot niyang himoong pribado ang pipila ka mga butang alayon sa iyang personal nga kinabuhi, nakita niyang nahukman na siya sa publiko hinugdan nga mas gipili niyang magpakahilum na lang.
Sumala sa aktor, dili niya ma-imagine kung nganong kinahanglan pa nga magamit ang social media aron hisgutan ang iyang love life.
Dugang niini, gipili usab niya nga dili na mo storya sa isyu tungod matud pa sa intensyon nga mubasol sa ubang tao ilabina nga kung nahimong importante kini sa iyang kinabuhi.
Wala matud pa siya’y plano nga manimalos sa ubang tao aron mahinlu-an lamang ang iyang pangalan.
Sa maong interview, gituldukan na usab sa aktor ang dugay na nga ispekulasyon sa ilang relasyon ni Julia human gi-angkong malipayon siya karun tungod sa aktres.
