BUTUAN CITY – Gipaniguro sa Philippine Coast Guard (PCG) nga padayon ang ilang pagtabang sa pagpanghatag og mga relief goods ngadto sa mga residente sa Surigao provinces nga na-apektuhan sa bagyong Auring.
Nasayrang midunggo sa Surigao Port ang BRP Gabriela Silang ug ang BRP Malapascua, nga parehong naghimo og relief supplies transport mission.
Gipadayag sa PCG, nga ang mga dugang relief supplies sa duha ka barko alang sa apektadong lugar partikular sa Surigao del Norte ug Surigao del Sur.
Ang misyon sa PCG dunay koordinasyon sa Department of Social Welfare and Development (DSWD) nga maoy usa sa mga nag-unang government agencies nga mang-apud-apod sa mga hinabang.
Gawas duha ka barko, dunay usa’y aerial assets ug uban pang gamit ang PCG, nga mitabang sa disaster response, relief operations, ug humanitarian assistance.
