-- ADVERTISEMENT --
BUTUAN CITY – Mi-abot na sa 359 ka mga pamilya kon 1,210 ka mga indibidwal gikan sa mga high rick areas sa southern municipalities sa Dinagat Islands province ang gipanghikling na sa ilang mga Local Disaster Risk Reduction and Management Offices.
Sa eksklusibong pakighinabi sa Bombo Radyo Butuan, gipadayag ni Vice Governor Nilo Demery, nga pre-emptive evacuation lang ang ilang gihimo isip pagpangandam tungod kay ang maong mga lugar maoy lisod nga operasyunan higayong duna’y kalit nga pagbaha o kaha pagdahili sa yuta.
Naka-preposition na karon ang mga relief goods nga maoy ipanghatag sa nanghikling nga mga pamilya kansa gikan sa probinsyal nga panggamhanan ug sa Department of Social Welfare and Development kon DSWD-Caraga.
