BUTUAN CITY – Mukabat sa 50-mil ka ektaryang basakan ang ipang-apod apod sa Department of Agrarian Reform kon DAR-Caraga ngadto sa mga mag-uumang makabenepisyo sa gilusad nilang Program “Support to Parcelization of Lands for Individual Titling’ kon Program SPLIT.
Sa eksklusibong pakighinabi sa Bombo Radyo Butuan, gipadayag ni regional director Leonides Villareal, kung ang ilang mil-aging programa alang sa pagpang-apod apod sa Certificate of Land Ownership kon CLOA award, usahon lang paghatag ngadto sa matag-organisasyon o kaha kooperatiba, karon ubos sa Progra SPLIT, siak- siakon na kini ug ihatag na ngadto sa tagsa-tagsa na mga mag-uumang membro sa organisasyon.
Gikan sa paglusad kagahapon, target sa ahensya nga matapos nila pagsiak-siak ang mga yuta ug hingpit nang mahatag ang land title sa tuig 2024.
Dugang sa opisyal, ang ilang ahensya mao ang magdumala ug mag-evaluate sa nasangpit nga programa aron masigurong madapat ang 24-bilyunes pesos nga gigahing pundo alang niini kansa gi-loan pa gikan sa World Bank.
Ka-abag nila sa pagpatuman sa maong programa ang Department of Interior and Local, Government, Department of Environment and Natural Resources, National Commission on Indigenous People kon NCIP, Land Bank of the Philippines, Land Registration Authority ug National Economic and Development Authority kon NEDA.
