BUTUAN CITY – Wala pa’y desisyon ang Australian government kung isang-at sa The Hague, Netherlands o kaha sa maong nasud lang taralon ang 19 ka mga membro sa Special Air Service kon SAS Regiment nga gitudlong responsable sa pagpatay sa 39 ka mga sibilyan sa Afghanistan sa 57 ka mga insidente.
Sa eksklusibong pakighinabi sa Bombo Radyo Butuan kang Denmark Suede, Pinoy nurse sa Australia, gipadayag niining naka-abot sa Afghanistan niadtong tuig 2001 human ang 9/11 terror attack, ang maong 26-mil ka tropang Australian isip abag sa Estados Unidos pagpangita kang Osama Bin Laden, ang lider sa al-Qaeda network nga mi-angkong responsable sa nasangpit nga pagpangatake.
Gihingusgan matud pa sa mga sundalong Australyano ang kawala nila’y kasiguruhan kung kinsa ang ilang kaaway tungod kay ang mga biktimang napruybahan karong mga sibilyan, nagpuyo sa lugar kansang tribal network mao ang ilang pamilya apan hangtud karon, nagpabilin lang nga alegasyon.
Ang gikabalak-an nila karon mao ang posibleng matigayong home-grown terrorism sa Australia tungod sa Afghan community nga atua sa ilang nasud kinsa natural lang nga musimpatiya sa gipangpatay nilang mga kababayan higayong mapalig-on pa sa kasong ipasaka ang migawas nga report.
