BUTUAN CITY- Nakatala pa og dugang 34 ka mga bag-ong kaso sa COVID-19 ang Caraga Region hinungdan ang kinatibuk-ang kaso karon miabot pa sa 2,225.
Sumala sa Center for Health Development Caraga gilangkuban ang mga bag-ong kaso sa 18 ka mga lalake samtang 16 ang babae.
Sa 34 ka mga natalang kaso 4 niini ang gikan sa Agusan del Norte partikular na sa Santiago nga adunay 3, ug usa sa Kitcharao.
Nadungagan usab og tulo ang Cabadbaran City nga nabahin sa Barangay 12, Comagascas ug Katugasan nga pulos adunay tag-usa. Walo ang nalista sa Agusan del Sur partikular ang lungsod sa Loreto nga adunay 7ug usa sa Prosperidad. Samtang duha usab ang natala sa Dapa Sugarigao del Norte.
Tandi sa nakalabay ng mga adlaw ubos-ubos og dyutay ang natala karon nga mga bag-ong kaso dinhi dakbaan sa Butuan nga anaa lamang sa 17 kansa nabahin sa mga barangay nga Libertad ug , Villa Kanangga nga adunay tag-tulo , samtang duha San Vicente ug tag-usa ka mga dugang kaso sa Agao, Ambago, Ampayon, Bayanihan, Doongan , Fort Poyohon, Golden Ribbon, Maon, ug Pigdaulan
Sumala sa ahensya sa maong mga kaso 18 ang gikosiderang asymptomatic kon walay gihambing simtomas sa sakit samtang16 ang adunay mild symptoms.
Gipailalom na sa kwarantina ang 34 ka mga natahong kaso ug nagsunod ang mga niini sa mga gikantar nga health protocols.
Sa karon ang total cumulative confirmed COVID-19 cases sa Caraga region miabot pa sa 2,225 diin sa maong ihap 778 ang mga active cases kon kadtong mga nagpaayo pa samtang miabot na usab sa 1,351 ang mga recoveries ug nagpabilin sa 96 ang mga namatay.
