BUTUAN CITY – Mi-abot na sa tulo ka mga minerong nadat-ugan sulod sa gikabot nilang tunnel human unang nahaw-as sa mga rescuers kaganinang alas-2:25 sa kaadlawon ang usa sa nagpadayong search and retrieval operations human ang natigayong mudslides niadtong Lunes sa alas-dos sa hapon sa may Purok Casting, Brgy. Bayan, lungsod sa Marihatag, Surigao del Sur.
Gi-ila ni FSSupt Fred Trajeras Jr., regional director sa Bureau of Fire Protection kon BFP-Caraga ang nga narekober nga sila Jonathan Ocson, 37-anyos, Eduardo Ubas ug Jerome Lucaberte.
Madumdumang temporaryong gi-undang kagahapon sa alas-kwatro sa hapon ang ilang operasyon tungod sa pagbundak sa ulan apan gibalik ra usab pagkagabii hangtud nga nabangalan ang patay’ng lawas dihang na-abot sa mga divers ang giladmong 20-ka tiil nga giladmon sa tunnel.
Sa eksklusibong pakighinabi sa Bombo Radyo Butuan, gipadayag ni Supt. Trajeras nga nagpadayon pa ang mga rescuers sa ilang operasyon karong adlawa hangtud nga hingpit nang marekober ang lain pang tulo nga nagpabilin pa sa gibahaan ug natabunan sa lapok nga tunnel.
Madumdumang bugtong naluwas sa maong hitabo mao ang 56-anyos nga abantierong si Nonito de los Reyes human nga nakasaka nang daan sa baba sa tunnel adiser ang pagdahili sa mga lapok.
