BUTUAN CITY – Personal nga giadtoan ni Dinagat Island Governor Kaka Bag-ao ang mismong lugar nga nasunugan sa Barangay Aurelio, San Jose kauban ang mga department head sa Provincial Government aron malantaw ang sitwasyon ug mahibal-an kung unsa ang mamahimong ihatag nga tabang sa mga nawad-an ug balay.
Sigon ni Jeff Crisostoma, tigpamaba sa probinsiyal nga kagamhanan nga miulbo ang kalayu kaganinang kaadlawon og napalong bandang alas 6:00 na sa buntag.
Sa pagbana-bana sa opisyal, anaa sa 10 ka panimalay ang na-ugdaw gawas pa sa pipila ka busness establishment. Muabot sa 13 ka pamilya ang apektado sa sunog diin kadaghanan niini mga empleyado sa kapitolyo probinsiyal.
Mismong si Gov. Kaka ang nangatubang sa mga lumulupyo ug naglista sa mga pangalan sa mga nasunugan alang sa pag-profile sa ila aron mahibal-an kung unsa nga tabang ang ilang gikinahanglan. Giuban niya ang mga biktima sa duol nga balay aron ma-isturya ug mahatagan ug pagkaon.
Sumala ni Crisostomo, nakadawat na og tag-10-mil ka pesos ang pamilyang nasunogan gawas pa sa gitunol nga bugas,food items, hygiene kit og balde.
Naghatag usab og tabang ang municipal nga kagamhanan sa San Jose.
Gipabalik usab ni Gov. Kaka ang Bureau of Fire Protection (BFP) og kapulisan sa lugar nga nasunugan aron dili magtapok ang mnga tawo nga posibleng madaot ugaling makasimhot sa aso.
Lakip sa gilista usab ni Governor Bag-ao ang klase sa negosyong nalamoy sa kalayu aron mahatagan og tabang sa subling pagpabangon niini
