-- ADVERTISEMENT --
BUTUAN CITY – Masub-anong gipahibalo ni Butuan City ug Agusan del Norte 1st District Congressman Lawrence ‘Lemuel’ Fortun nga sirado sugod ning mga orasa ang iyang sa District Constituency Office.
Base sa gipagawas niining public announcement, gipahibalo sa kongreista nga kini tungod kay usa sa iyang mga staff members ang nagpakita og mga simtomas sa COVID-19 kinsa gi-admit na sa usa sa mga ospital ning siyudad ug gipa-ilalom na sa RT-PCR testing.
Samtang naghgiulat sa resulta, gimanduan ang tanan niyang mga staff members nga mag-self quarantine asamtang gisira ang iyang buhatan alang sa himuong disinfection.
Bisan pa man, padayon gihapong mag-function ang iyang buhatan dungan sa pagpa-abot sa iyang pasalamat ngadto sa tanan sa pagsabot.
