BUTUAN CITY – Nagpadayon ang pagsaka sa kaso sa Covid-19 dinhe sa rehiyon sa Caraga. Bag-ohay lang sa dihang gi-anunsiyo sa Department of Health kon DOH Caraga pinaagi ni Regional Director Jose R. Llacuna, Jr nga nadawat nila ang 30 ka RT-PCR confirmatory results gikan sa GeneXpert TB Reference Laboratory sa Butuan Medical Center diin sa maong ihap 18 nag negatibo og 12 ang positibo sa COVID-19 virus.
Ang negatibo nga RT-PCR results nagsumikad sa High-risk Individuals nga nag-positibo sa Rapid Antibody-based Tests, health care workers og close contacts sa kanhe kumpirmadong kaso. Samtang sa 12 nga positibong kaso, 83% o 10 ang close contacts sa kanhe confirmed local transmission cases samtang 17% o 2 ang dugang local transmission cases kansa parehong mga health care workers.
Singkuwenta porsiento kon 6 ang nahisakop sa pangedarong 20 ngadto sa 40-anyos; 5-anyos ang pinakabata og 72-anyos ang pinakatigulang. Pito sa mga niini mga babaye og 5 ang lalaki.
Ang tanang bag-ong kumpirmadong kaso nagsumikad sa Butuan City particular sa barangay Ambagonga dunay 1;, Bonbon (1); Doongan (1); Holy Redeemer (3); Libertad (4); Limaha (1); og San Vicente (1).
Sa mga positibong kaso, 6 ang asymptomatic nga anaa na sa estriktong pagmonitor sa mga quarantine facilities samtang ang laing unom usab nga dunay mild to moderate symptoms, naka-admit na sa mga ospitals.
Sa pagkakarun, ang COVID-19 confirmed positive cases sa Caraga region miabot na sa katibuk-ang 481 diin 337 ang nakarekober samtang 140 ang aktibong kaso ug 4 ang napatay.
