BUTUAN CITY – Gikumpirma sa Department of Health kon DOH-Caraga nga nakadawat sila og 21 ka RT-PCR confirmatory results gikan sa bag-ong operational nga GeneXpert TB Reference Laboratory sa Butuan Medical Center diin 17 niini ang negatibo og 4 ang positibo sa COVID-19 virus.
Ang RT-PCR negative results nagsumikad sa Suspect case gikan sa Butuan Medical Center (BMC), og 16 ka Indibidwal nga positibo sa Rapid Antibody-based Tests o Close Contacts sa kanhe kumpirmadong kaso.
Samtang ang tanang bag-ong kaso nagsumikad sa Butuan City diin 50 porsiento kon duha ang dunay close contacts sa kanhe confirmed case og duha usab bag-ong kaso sa local transmission.
Ang nagpositibo anaa sa pangedaron nga 20-anyos ngadto sa 30-anyos diin duha ang babaye samtang duha usab ang lalaki.
Ang duha usab sa mga niini asymptomatic samtang ang nahabiling duha dunay mild symptoms. Ang asymptomatic cases estriktong gimonitor sa designated quarantine facilities samtang ang symptomatic nga pasyente naka-admit na sa hospitals.
Sa kasamtangan, ang COVID-19 confirmed positive cases sa Caraga miabot na sa 397 diin 325 niini ang nakarekober, 69 ang aktibong kaso og tulo ang patay. Samtang ang kaso sa local transmission sa Butuan City misaka pa ngadto sa 66.
