BUTUAN CITY – Laing grupo na usab sa mga Returning Overseas Filipinos kon ROF ang miabot sa Bancasi airport pinaagi sa PAL sweeper flight PR 4997.
Kaganinang ala1:10 sa sayong buntag sa dihang mitugpa ang abyonnga gisakyan sa 52 ka mga ROFs. Sa maong ihap 13 niini ang sa Butuan City; Agusan del Norte nga dunay 14; Agusan del Sur – 12; Surigao del Norte – 6; Surigao del Sur – 5; og Misamis Oriental sa Gingoog City nga dunay 2.
Sa mga nangabot, 22 niini nga gilangkuban sa taga Butuan City-13 ; Cabadbaran City – 4 ; Buenavista – 1 ; Magallanes – 4 ang gikuha na sa ilang tagsa-tagsa ka mga Local Government Units kon LGUs diha sa airport samtang ang nahabiling 30 temporaryong gipahiluna sa accommodation nga giplastar sa OWWA Caraga samtang naghulat sa ilang mga LGUs nga mukuha kanila.
Ang tanang nangabot miagi sa gimontar nga health protocols sa maong tugpahanan.
