BUTUAN CITY – Gikatakdang buhian og balik ngadto sa lasang ang mga langgam nga gikonsiderang endangered species nga lakip sa nakumpiska sa otoridad kauban sa mga tanom nga ibaligya unta sa mga kaigsoonang Indigenous People kon IPs didto sa Surigao City.
Sigon ni Eric Gallego, regional information officer sa Department of Environment and Natural resources kon DENR-Caraga sa eksklusibong pakighinabi sa Bombo Radyo Butuan, gidakop nila ang mga IPs nga namaligya sa ginadiling mga tanom kansa makita lang diha sa kalasangan lakip na ang mga endangered specie sa langgam.
Tungod niini gi-imbitar ang nasangpit nga mga indibidwal sa opisina sa City Environment and Natural Resources Office kon CENRO sa Upper Libas, lungsod sa Tagana-an, Surigao Del Norte dili aron pasakahan og reklamo kundi aron ipasabot kanila ang ilang gibuhat nga nakalapas sa RA 9147 o “Wildlife Resources Conservation and Protection Act.”
Sumala pa ni Gallego, ang mga tanom sa lasang iya sa gobyerno rasong makonsiderang pagpangawat ang pagkuha sa mga niini.
