BUTUAN CITY – Dream come true alang sa garbo sa Claver, Surigao del Norte nga si Carissa Rozil Quiza nga mahimong kandidata sa dugay na niyang gipangandoy Miss Universe Philippines 2020.
Sa eksklusibong pagbisita niini dinhi sa Bombo Radyo Butuan, gipadayag ni Carissa nga adiser ang iyang Miss Universe Philippines journey, daghan na siya’g naagi-an nga mga pagsulay sa mga pageants nga iyang gi-apilan.
Anaa na matud pa sa iyang kaugatan naglatay ang iyang tinguha nga mahimong beauty queen og kamatu-uran niini, nagsugod siya pag-apil sa mga beauty pageants sa edad nga 14-anyos kondiin pipila ka usab ka mga beauty titles ang iyang nasakmit.
Siya mismo ang nagtinguha nga maka-abot niini nga level karon sa iyang kinabuhi uban sa iyang pamilya nga maoy kanunay nga nagsuporta kaniya ilabina sa mga panahong ubos siya.
Bisan og daghan silang mga kandidata nga nagtinguhang masakmit ang korona alang karong tuiga, apan pabilin siyang positibo nga maayo ang resultang mahatag niini ngadto kaniya.
Sa pagkakaron, gi-enjoy lang niya ang matag-kalihukang ilang himuon uban sa ka-ubanan niyang mga kandidata.
Mi-apela si Quiza og suporta sa tanang mga Caraganons alang sa iyang Miss Universe Philippines journey tungod kay kini dili lang niya away kondili apil na sa mga Surigaonons ug mga Caraganons.
