BUTUAN CITY – Nasabtan ni Butuan City ug Agusan del Norte 1st District Representative Lawrence Lemuel Fortun ang tinguha ni Pngulong Rodrigo Duterte nga mabalik ang pagpahamtang og silot-kamatayon ngadto sa mga tawong nakahimo og ngilngig nga kremin.
Sa eksklusibong pakighinabi sa Bombo Radyo Butuan, gibutyag sa kongresista nga sa unang mga buwan pa lang sa paglingkod sa pangulo, kini na ang iyang gusto.
Gipasabot sa kongresista nga adiser pa ang termino ni Pangulong Duterte, gituki na kini nga sugyot sa 17th Congress nga bisan og pasado sa kamara apan wala kini makapasar sa Senado.
Karong 18th Congress, gihisgut-hisgutan na usab kini nga posibleng mas matutukan na human gipadayag sa State of the Nation Address kon SONA sa pangulo nga gusto niyang mabalik kini pagpatuman.
Alang sa kongresista, mas angayang unahon sa kagamhanan ang mga COVID-19 related legislations.
Kini aron masulbad na ang nagkagrabeng kaso sa COVID-19 ilabina karon nga ang Pilipinas na maoy duna’y pinakadaghang kaso kumpara sa ubang mga nasud sa Southeast Asia.
