BUTUAN CITY – Wala napugngan nga mahimong emosyunal ang GRand Winners sa dihang nasayran nga siya ang mananaog sa usa ka milyon ka pesos sa GRand draw sa Buena Mano Salvo Promo Year 15 sa Bombo Radyo Philippines.
Saysay pa sa mananaog nga si Marilyn Alde sa Malabon City, Metro Manila sa eksklusibong pakighinabi sa Bombo Radyo Philippines wala siya naglaum nga siya ang mahimong mananaog sa usa ka milyon ilabina kay nabunutan na ang iyang pangalan nga mananaog sa 50-mil pesos kansa unang higayon sa kasaysayan sa promo sa Bombo Radyo Philippines.
Gikonsidera niini nga ang iyang kadaugan, tubag sa iyang mga pag-ampo og pagkugi sa pagbuhat og entry.
Sumala pa ni Marilyn Alde, matag semana, sinako-sakong mhga entry ang iyang epursigeng mahulog bisan paman sa lockdown diin sa katapusang semana, miabot sa 7 ka sako ang iyang nahulog.
Nakuha niya ang iyang gigamit nga mga proof of purchase gikan sa iyang mga kahigalaan og kasilinganan.
Kaniadto sa wala pa ang lockdown, nagtinda og kakanin si Alde aron mabuhi ang iyang pamilya ilabina kay bulag siya sa iyang bana.
Sa kasamtangan, nagsalig nalamang siya sa pagbaligya og cocoa aron maka-survive sa lockdown ang iyang usa ka anak og uban pang kapamilya. Kini ang rason nga hilabihan na lamang ang iyang kalipay human nahimong mananaog sa usa ka milyon.
Dakong tabang kini sa pagpatukod ug panimalay tungod kay ang kasamtangan nilang gipuy-an, gubaon na og mabahaan pa diin sa panahong motaas ang lebel sa tubig, didto na sila sa atop.
Ang pagkugi niya sa paghimo og entry uban sa kinasing-kasing nga pag-ampo ang iyang nahimong puhunan sa pag-apil sa promo sa Bombo Radyo.
Sigon pa ni Alde nga mag-apilan na siya sa promo sa Bombo Radyo sukad pa sa una, diin niadtong 2012 midaug na siya og sien mil ka pesos. Tungod niini, mapasalamatan si Alde sa tanang naglankub sa Bombo Radyo ug Star Fm Stations lakip na sa mga sponsors niini. Naghatag usab kini og mensahe sa mga wala pa gipalad nga mahimong mananaog.
