BUTUAN CITY – Nadakpan sa kapulisan sa Caraga ang tourist guide diin nakuhaan og cocaine nga nagkantidad sa 10-mil ka pesos human ang gihimong buy-bust operation sa Siargao Islands, probinsiya sa Surigao del Norte kagahapon.
Giila ni Police Brigadier General Joselito T Esquivel Jr., Regional Director, ang drug suspect nga si Karl Remlie Lozada Subayno a.k.a. “Remlie”, 32-anyos, usa ka Tourist Guide, og residente sa Brgy. 3 Poblacion, General Luna, Surigao del Norte.
Gihimo ang Buy-bust operation sa alas 12:03 sa kaadlawon sa Brgy. 3 Poblacion, human ang personahe sa General Luna MPS nakadawat og taho nga usa ka tourist guide ang nalambigit sa paghupot og drugas sa maong lugar.
Nasuta sa imbestigasyon nga si Remlie, usa ka newly identified illegal drug personality og gikonsiderang Street Level Individual (SLI).
Atol sa buy bust, nakumiska sa otoridad ang usa ka sachet sa suspected cocaine nga mitimbang og usa ka gramo; usa ka genuine one thousand peso bill isip marked money og ten boodle money; usa ka cellphone; lighter; og cash nga nagkantidad sa Php4,845.00 sa nagkalain-laing denominasyon.
Kasong paglapas sa Section 5 og Article II,sa RA 9165 nga mas nailang Comprehensive Dangerous Drugs Act of 2002 ang gi-andam sa pagpasaka og kaso sa nasikop nga suspetsado.
