BUTUAN CITY – Gina-deliberate na sa lokal ng kagamhanan ning siyudad sa Butuan ang lakang nga ilang isugyot ngadto sa Screening and Validation Committee sa Regional Task Force on COVID-19 One Caraga Shield.
Kini may kalabutan na sa pabiling pagpa-ilalom sa 33 ka mga urban barangays ngadto sa modified enhanced community quarantine kon MECQ samtang modified general community quarantine kon MGCQ usab sa nahabiling parte ning siyudad.
Sa eksklusibong pakighinabi sa Bombo Radyo Butuan, gipadayag ni city administrator Rey Desiata nga gila-umang ugmang adlawa, ila na kining mapresenta ngadto sa Regional Task Force aron pa-aprubahan usab ngadto sa Inter-Agency Task Force kon IATF.
Alayon sa kasamtangang estado ning siyudad, wala matud pa kini ka-usaban sa gipatuman ning nakalabay’ng 15 ka mga adlaw.
Kini tungod kay epektibo pa gihapon ang pagpatuman sa color-coded nga home quarantine pass samtang ang mga establisamiento, magpadayon sa ilang operasyon provided nga nagsunod sila sa minimum health protocols ug sa gi-require kanilang 50-percent capacity sa pagpasulod og mga kostumer o kaha kliyente.
