BUTUAN CITY – Mi-abot sa 200 ka mga bag-ong police recruits ang nanumpa na kagahapon sa Police Regional Office 13 sa may Camp Rafael Rodriguez s Brgy. Libertad ning siyudad sa Butuan.
Sa maong ihap, 170 kanila ang mga Patrolmen ug 30 usab ang mga Patrolwomen kondiin ang ilang oath-taking, gipangunahan ni Police Regional Director PBGen Joselito Esquivel Jr.
Sa pakighinabi sa Bombo Radyo Butuan, gibutyag ni P/Maj. Renel Serrano, information officer sa PRO-13 Caraga, nga gipa-ilalom sa rapid test ang mga bag-ong police recruits adiser gidala sa regional training center kondiin gi turn over na kini gikan sa R1 ngadto sa Regional Learning Doctrine Development Division kon RLDDD sa PRO -13 nga maoy naghatod kanila ngadto sa training center sa Brgy. Lipata, Surigao City.
Dungan sa ilang pagpanumpa kagahapong adlawa, magsugod na usab ang pag-ihap sa adlaw nga basehan sa ilang sweldo.
Gidugang sa opisyal nga usa lamang ka module ang na-usab sa program for instructions sa Public Safety Basic Recruit course kon PSBRC kondiin magpabilin lamang sulod sa kampo ang mga recruits ug makagawas lang human maka- graduate ilabina nga duna’y dakong hulga sa gawas nga mao ang COVID-19 .
