BUTUAN CITY – Duna pa’y 223 ka mga domestic ug foreign tourists nga natanggong karon sa managlahing tourist spots dinhi sa Caraga Region human na-abtan og lockdown nga hatud sa COVID-19.
Base sa record sa Department of Tourism kon DOT-Caraga, sa maong ihap, 87 niini ang mga langyaw samtang 136 ang mga domestic tourists.
Sila na lang ang nabilin sa ubang mga turista kinsa nakabalik na sa kauluhang Manila ug ubang siyudad human gi-cater sa sweeper flights nga gikomisyon sa pipila Department of Tourism.
Giklaro sa maong buhatan nga ang mga nakabiya nang 166 ka mga turista nahatagan nila og sanitation kits ingon man snacks alang sa ilang pagbiyahe gawas pa sa ilang natunol nga one-time financial assistance.
Nakahatag na usab sila og assistance alang sa pagkuha sa ilang travel pass gawas pa sa safe houses alang sa mga langyaw nga sila mismo ang magbayad.
Nasayran nga ang mga nabilinng turista duna na’y flight tickets sa pagtuong makabiyahe na sila karong gipa-ilalom na sa MGCQ ang tibuok Caraga Region apan tungod kay wala pa’y commercial flight nga gitugutan rason nga ila na lang kining gipa-rebook.
