BUTUAN CITY – Hingpit nang gikansela ang pagsaulog sa Naliyagan Festival sa probinsya sa Agusan del Sur alang karong tuiga.
Sa pakighinabi sa Bombo Radyo Butuan, gikumpirma ni Alfredo Nonoc Plaza- Information Oifficer sa probinsyal nga kagamhanan nga ang hinungdan sa pagkansela sa usa ka semanang selebrasyon nga magsugod unta atol sa selebrasyon sa Independence Day karong Hunyo 12, tungod na sa hulga sa coronavirus pandemic kondiin hugot nga gibawal una ang mga panagtapok kon mass gatherings.
Sumala ni Plaza ang pundo sa nasangpit nga selebrasyon gigahin na lamang sa mga kalihukan sa COVID-19 response aron masuportahan ang probinsya.
Hinuon gipadayag niining duna gihapo’y simpleng programa nga himuon atol sa pagsaulog sa ika-122 nga kagawasan sa Pilipinas apan pinili ra diin muhatag si Gov. Santiago Cane Jr., sa iyang State of the Province Address kon SOPA karong Hunyo 17 kansa mao na ang na-andang panapos sa Naliyagan Festival
