BUTUAN CITY – Nanghunaw si Philippine Economic Zone Authority kon PEZA Director General Charito ‘Ching’ Plaza nga gikan sa guipapa-uli nilang sa tulo ka dugang bag-ong kaso sa COVID-19 nga natala ning rehiyon.
Sa eksklusibong pakighinabi sa Bombo Radyo Butuan, gipadayag sa opisyal nga sanctioned sa Inter-Agency Task Force kon IATF ang pagpa-uli sa mga Caraganon overseas Filipino workers kon OFWs ug mga locally stranded individuals kon SLIs rason nga naka-abot sila sa Caraga human mi-agi na sa saktong health protocols ilabina sa rapid ug swab tests.
Gipadayag niini nga gikan sa Cagayan de Oro City ang tulo nga nag-landtrip lang.
Dugang ni Plaza, duna pa’y kapin sa tres-mil nga mu-uliay pa apan natanggong karon didto sa kauluhan ilabina nga dili pa mudawat og commercial flight karong bulana ang lokal nga kagamhanan ning siyudad.
Nakig-alayon na sila sa mga Caraganon coordinators sa matag-probinsya aron ma-facilitatena usab ang ilang pagpa-uli.
Samtang subay sa malampusong pagpa-uli sa nasangpit nga mga stranded Caraganons, hugot ang iyang pagpasalamat ngadto sa tanang ahensya ug mga kongresista sa Caraga nga mitabang rason sa malampuson nilang pagpa-uli.
