BUTUAN CITY – Padayong naglusad og seaborne patrol operations ang Fisheries Resource Protection Group sa Bureau of Fisheries and Aquatic Resources kon BFAR-Caraga taliwa sa nagtunhay nga COVID-19 pandemic.
Ning mi-aging mga adlaw, naglusad sila og “soft” seaborne operation, sa kadagatan sa Dinagat Islands province dinhi sa Butuan City ug pipila ka parte sa Surigao del Norte sama sa Surigao City, Taganaan, Placer and Bacuag.
Nang-apod apod sila og mga food packages ngadto sa mga mangingisdang ilang nalabyan aron suportahan ang ilang panginahanglanon.
Dili mu-ubos sa 50 ka mga mangingisda ng nakadawat og food package nga gilangkuban sa lima ka kilong bugas, unom ka tag-33 grams nga milk sachet, napulo ka tag 20-grams nga coffee pack, upat ka mga canned goods, tulo ka buok noodles, usa ka rice noodle ug tunga sa kilong asukal.
Nariyalisar kini tungod sa inisyatibo sa Regional Fisheries Management Regulatory and Enforcement Division ug sa National Stock Assessment Program sa DA-BFAR Caraga. Nadasig sa “We Heal as One” Act, ang mga personahe sa BFAR ubos sa maong division kinasing-kasing ug boluntaryong mipa-ambit sa ilang grasya ngadto sa mga mangingisda.
