BUTUAN CITY – Napang-apod apod na sa tanang mga ospital sa Agusan del Norte ang mga Personal Protective Equipments kon PPEs nga gi-donate sa aktres nga si Sylvia Sanchez nga gilangkuban sa mga cover-all facef masks, face shield, examination gloves og alcohol.
Nasayrang si Sanchez kinsa nailang si Jojo Campo Atayde, nga taga-Brgy. Punta lungsod sa Nasipit ning lalawigan, uban ang iyang pamilyang Atayde, kinasing-kasing nga nagdonar sa maong mga PPEs aron duna’y dugang magamit ang mga frontliners sa ilang pag-atiman sa mga COVID-19 suspect cases.
Gipangunahan ni Provincial Disaster Risk Reduction and Management kon PDRRM Officer Erma Suyo ang paghatud sa mga niini ngadto sa Agusan del Norte Provincial Hospital nga ania sa Butuan City, Cabadbaran City District Hospital ingon man sa mga municipal ug district hospitals sa mga lungsod sa Jabonga, Nasipit, Kitcharao ug Las Nieves.
Tumang kalipay ug pagpasalamat usab ang gibati sa mga hospital personnel sa gibuhat sa pamilya Atayde tungod kay dakong tabang na kini alang kanila sa ingon maproteksyunan sila batok sa COVID-19.
