BUTUAN CITY – Gikumpirma ni Bombo International correspondent Ferdinand Nakila, lumad nga taga-Cabadbaran City, Agusan del Norte ug pila ka tuig nang nagtudlo sa usa ka tunghaan sa Los Angeles, California nga usa ka senior citizen nga Pinay ang natalang patay sa ilang lugar tungod sa Coronavirus Disease 2019 kon COVID-19.
Kini human nga ang biktimang gitago lang sa pangalang Loretta uban sa iyang banang Pinoy niining gitago usab sa pangalang Roddy, mibakasyon sa Pilipinas niadtong Pebrero 4 human nagretiro ug mi-agi una sa Thailand ug nag-layover sa Seoul, South Korea adiser naka-abot sa Pilipinas.
Sa eksklusibong pakighinabi sa Bombo Radyo Butuan, gipadayag ni Nakila nga niadtong Marso 8 mihapit sa Los Angeles, California diin sila mi-agi ug mihapit sa ilang kabanay sa Walnut aron unta mag-istar og duha ka adlaw adiser mupa-uli apan wala na maka-uli pa human naluya ang .duna’y sakit nga diabetes ug breast cancer survivor nga Pinay.
Naglisod kini pagginhawa hinungdan nga gi-resuscitate sa iyang bana apan nakabsan gihapon kini sa kinabuhi.
Dihang gi-test adiser pa nasayran nga duna kini COVID-19 apan gikabalaka nila tungod kay wala man gipa-ilalom sa test ang bana ug gi-quarantine karon sa Los Angeles nga siya langa ug wala’y gitugutang kabanay nga makadu-aw kaniya.
