BUTUAN CITY – Tulo ka mga lalaki ang nakabsan sa kinabuhi human nga wala na makagawas pa gikan sa gihimo nilang tunnel alang unta sa small-scale mining sa Brgy. Sta. Theresa, sa lungsod sa Loreto, Agusan del Sur.
Na-ila ang mga namatay nga sila Dennis Distor Pegaredo, 27-anyos; Kenneth Kier Daquis Mayuga, 18 anyos ug usa ka 15-anyos nga lalaking parehong mga residente sa maong lugar.
Migawas sa inisyal nga imbestigasyon sa kapulisan nga samtang anaa sa gilawmong 70-ka tiil sa nakabot nga tunnel si Dennis Pegaredo kalit lang nga duna’y mihungaw nga baho rason nga nakapaninggit kini og tabang.
Dali usab kining girespondehan sa ka-ubanang si Kenneth og tungod kay wala nakagawas ang duha rason nga misulod na usab ang 15-anyos nga bayong-bayong nga posibleng nalumos sa tubig ilalom sa tunnel.
Pila ka oras pa ang milabay adiser nakuha ang mga biktima ug gidala sa Loreto District Hospital apan parehong gideklarang dead on arrival sa attending physician.
