BUTUAN CITY – Ang mga samad sinungagan sa nagkada-iyang parte sa lawas ang mikutlo sa kinabuhi sa usa ka 74-anyos nga lola human gi-unay og sungag sa iyang binuhing kabaw nga laki kon toro kagahapon sa hapon.
Naila ang biktimang si Generosa Baluca, residente sa lungsod sa Sibagat, Agusan del Sur.
Migawas sa imbestigasyon sa kapulisan base na sa ilang pakisusi ngadto sa 44-anyos nga anak niining si Marry Chris Baluca Montejo nga dihang nagtugway sa iyang binuhing kabaw ang biktima, duna’y mi-agi nga laing toro nga gusto unta niining sungagon apan wala makabuhi rason nga ang amo na lang niini nga anaa sa duol ang iyang napahimungtan.
Naka-angkon og mga samad sa ulo, tiyan ug uban pang parte sa lawas ang biktima rason nga gidala kini sa usa ka pribadong ospital sa Bayugan City apan wala dawata tungod sa kawala matud pa nila’y mahatag ng down payment.
Ila kining gidala ngadto sa Agusan del Norte Provincial Hospital apan nakabsan na kini sa iyang kinabuhi.
