BUTUAN CITY – Dili matungkad ang gibating kalipay sa usa ka Butuanon athlete human nakasakmit og bulawang medalya sa dulang taekwondo under 74-kilogram category sa nagpadayong 30th SEA Games 2019.
Sa ekslusibong pakighinabi sa Bombo Radyo Butuan, gipadayag ni Dave Cea nga nagbunga ang iyang paningkamot ug mga sakripisyong gigahin sa iyang training.
Tumang kalipay usab ang gibati sa iyang ginikanan human nasayran ang iyang kada-ugan tungod kay sila ang bugtong saksi kung unsa ka lisod ang gi-agian niya atol sa trainings ug mga preparasyon.
Dugang sa 21 anyos nga taga-Purok 4, Brgy. Tagabaca, bisan first time niya nga naka-apil sa SEA Games udiin mibati siya og grabeng kakulba, wala mulurang ang nagbaga niining tinguha nga makasakmit og bulawang medalya.
