BUTUAN CITY – Usa ka arte ang nahalin sa kantidad 120 mil dolyares o kapin 6 milyone pesos sa gipahigayong exhibit sa Florida gallery karon nga simana ang nakapa hingangha sa mga bisita tungod usa lang kini ka saging nga gipilit gamit ang duct tape sa ding-ding.
Ang maong arte nga gihinganlang “The Comedian” ginama sa Italian artist nga si Maurizio Cattelan og nahalin kini sa kapin 6 milyones pesos atol sa Art Basel sa Miami Florida, pero sigon sa mga art experts ang talagsaong edisyon sa arte pwedeng mahalin sa hangtod sa kantidad 150 mil dolyares.
Walay nagastong pintura ingon man nasayang nga dakong oras tungod ang maong arte gilangkuban lang sa saging o duck tape nga maoy gigamit pagpilit sa dingding.
Sumala kang Art Basel founder Emmanuel Perrotin, tungod sa maong arte makapahinuklong matod pa ang mga viewer sa kamahinungdanon sa paglihok sa tanang butang sa kalibutan.
