BUTUAN CITY – Gisuspende na sa probinsyal nga kagamhanan sa Dinagat Islands ang klase sa tanang ang-ang gikan sa preschool ngadto sa elementary level sa unom ka mga lungsod gawas lang sa provincial capital sa San Jose kondiin ang mga Brgy. Don Ruben lang ug Brgy. Aurelio.
Kini tungod na usab sa pagkuso-kuso na sa bagyong Tisoy diin anaa sa signal number 1 ang maong isla.
Gibutyag ni provincial information officer Jeff Crisostomo, gawas sa klase, gisuspende usab ang biyahe sa tanang mga sakyanang pandagat sama sa mga fast craft, Ro-Ro vessel, lantsa ug pumpboat rason sa pangtanggong karon sa mga pasaherong padulong sa mainland Surigao ug niadtong padulong sa ilang isla.
Padayon ang trabaho sa mga empleyado sa nagkada-iyang ahensya sa gobyerno ilabina kadtong duna’y papel alang sa pagresponde sa panginahanglanon sa mga ma-apektuhan sa bagyong Tisoy.
Alayon niini, nanawagan ang opisyal ngadto sa tanang residente nga musunod gilayon sa ipagawas nga mga pahimangno og kinahanglang makig-alayon sa mga hingtungdang ahensya sa gobyerno alang sa ilang panginahanglanon.
